Sot është përkujtuar 74-vjetori i çlirimit të qytetit të Ersekës, ku veteranë të Luftës Nacional-Çlirimtare , të afërm të familjeve të dëshmorëve, qytetarë e pushtetarë vendorë kanë marrë pjesë në ceremoninë përkujtimore kushtuar partizaneve të cilët dhanë jetën për çlirimin e qytetit.
Kryetari i Bashkisë Kolonjë, z.Ilia Stefo uroi qytetarët, ku ngriti lart vlerat e LNÇ por edhe vlerat e një qyteti i cili është shquar historikisht si qytet i paqes, dijes dhe kulturës.
Në 20 tetor 1944 është çliruar nga pushtuesit qyteti i Ersekës, çlirim i cili vijoi edhe në qytete të tjera të vendit.
