Bashkia Kolonjë, në kuadër të ditës së trashëgimisë kulturore organizoi në sheshin “Rilindja” panairin tradicional të zonës.
Qëllimi i këtij aktiviteti ishte promovimi i produkteve bio të zonës, gatimeve tradicionale, bizneseve të agroturizmit dhe vlerave tradicionale.
Kryetari i Bashkisë Kolonjë, Z.Erion Isai shprehu angazhimin e tij se vitin e ardhshëm do të ndërtojë markatën e zahireve dhe Kolonjën do ta kthejë në atraksion turistik.
Të pranishëm në këtë aktivitet ishin deputetja e zonës, znj.Elisa Spiropali, deputeti i qarkut, z.Niko Peleshi, kryetarja e këshillit të qarkut, znj.Ana Verushi dhe një numër i madh turistësh vendas e të huaj, të cilët mbetën të kënaqur nga ky organizim dhe u shprehën të gatshëm për të ardhur sërish vitin tjetër për të shijuar Kolonjën.
