Me hyrjen në fuqi të ligjit nr. 111/2017, Ministria e Drejtësisë ka ndryshuar strukturën e sistemit të ndihmës juridike të garantuar nga shteti duke krijuar tashmë nje institucion të veçantë, të dedikuar për këtë qëllim.
Drejtoria e Ndihmës Juridike Falas, ka për mision garantimin e ndihmës juridike si një nga format më thelbësore të aksesit në drejtësi që duhet të ketë çdo individ për realizimin dhe mbrojtjen e të drejtave të tij ligjore dhe kushtetuese.
Gjatë ushtrimit të veprimtarisë së saj, Drejtoria e Ndihmës Juridike Falas garanton përdorimin e mjeteve efektive për të siguruar përmbushjen e qëllimit të ligjit për ndihmën juridike, përmes:
– Sigurimit të zbatimit të kuadrit ligjor dhe rregullator në fushën e ndihmës juridike;
– Zbatimit të politikës shtetërore në fushën e ndihmës juridike;
– Ligjshmërisë së procedurave në ofrimin e ndihmës juridike falas, duke mbikëqyrur standardet e ofrimit të ndihmës juridike;
– Bashkëpunimit të vazhdueshëm me institucionet përgjegjëse për administrimin dhe funksionimin e sistemit të ndihmës juridike;
– Rritjes së ndërgjegjësimit tek qytetarët në lidhje me të drejtat dhe detyrimet e të gjithë aktorëve të përfshirë.
Sistemi i ndihmës juridike të garantuar nga shteti mund të aksesohet nëpërmjet faqes zyrtare duke klikuar linkun e mëposhtëm:
- Faqja zyrtare web me linkun e mëposhtëm:
https://ndihmajuridike.gov.al/
Informacione mund të gjeni edhe nëpërmjet rrjeteve sociale në adresat:
- Në rrjetin social Facebook me linkun e mëposhtëm:
https://www.facebook.com/ndihmejuridikefalas
- Në rrjetin social Instagram me linkun e mëposhtëm:
