Në fshatin Starje, Bashkia Kolonjë në bashkëpunim me Qendrën Kulturore “F.S.Noli”, me rastin e Ditës së Letërsisë Kolonjare organizoi një aktivitet kushtuar autorit kolonjar, Hasan Zyko Kamberi, ( satiriku i parë i letërsisë shqiptare) .
Aktiviteti nisi me vizitën në Tyrben e Hasan Zyko Kamberit në qendër të Starjes, më pas vijoi me shfaqjen e dokumentarit kushtuar poetit kolonjar dhe një bisedë e lirë ndërmjet të ftuarve e pjesëmarrësve të aktivitetit.
Në përfundim të aktivitetit u shtrua kokteil për të ftuarit tek sheshi i fshatit.
